Сөз — күрделі тілдік құбылыс. Сөздің дыбыстық, мағыналық жақтары бар. Сөз — тілдің негізгі единицасы (тұлғасы), өлшеуі. Ол дыбыстық таңбалар мен мағынаның көрінісі, оның бір-бірімен байланысты екі жағы болады. Бірі — сөздің дыбыстық жағы — сыртқы дыбыстық жамылғыш, екіншісі сол дыбыстық жамылғыш арқылы айтылатын я ұғынылатын сөздің ішкі мазмүны, мағыналық жағы.
Сөздің дыбыстық жағы нақтылы бір затты, қүбылысты ғана білдіріп қоймайды, сонымен бірге, белгілі бір ұғымды, мағынаны да білдіреді, мағына мен ұғымның да таңбасы болады. Белгілі бір заттың, құбылыстың және ұғымның, мағынаның таңбасы болу — сөздің дыбыстық жағының бірден бір қызметі.