Бүгінгі күні “стресс” деген сөзді ел арасында жиі естиміз. “Стресс оның жанын қажытты ғой”- деп те жатады. Сонда “стресс” деген не?

“Cтресс” атауын медицина ғылымында ХХ ғасырдың 60-шы жылдарында Канаданың ғалымы Ганс Селье енгізді. Ол ағылшын тілінде “ауыртпалық”, “зорлану” деген ұғымдарды білдіреді. Адам мен жануарлардың организмдеріне қоршаған сыртқы ортадан көптеген қолайсыз ықпалдар әсер етеді. Оларға физикалық ықпалдар( ыстық немесе суық, иондағыш сәулелер, электр соққы, жарақат, ауыр қол жұмыстарын атқару, т.с.с.), химиялық ықпалдар ( улы химиялық заттар, дем алатын ауада оттегінің аздығы т.с.с.), биологиялық әсерлер (микробтар және олардың уыттары, вирустар т.с.с.).